Nassuiaat

“Qanorli… – eqqumiitsuliat sammillugit” suliassanik imaqarpoq, 4.-6. klassenut tulluarsakkat. Atuartut eqqumiitsuliat assigiinngitsumik sammissuaat, ilaatigut takorluuisinnaanertik atorlugu. Eqqumiitsulianik samminninneq assigiinngitsunik ingerlanneqarsinnaavoq; soorlu saqqummiussititsilluni saqqummiussititsinaniluunniit, kisimiilluni eqimattakkaarluniluniluunniit suliaqarneq, imaluunniit tamarmik ataatsimoorlutik suliaqarlutik.

Nuummi Eqqumiitsulianik Saqqummersitsivimmi sulisut tikilluaqusissapput; tikilluaqusinermi atuartut katersugaasiviit/saqqummersitsiviit, eqqumiitsuliorneq eqqumiitsuliallu pillugit eqqartueqatigillatsiarneqassapput. Tamatuma kingorna ilinniartitsisoq atuartullu namminiissapput. Saqqummersitsivimmukannginnermi suliassat, eqimattakkaartussat saqqummiussisoqartassanersorlu aaliangereersimanissaat innersuussutigineqarpoq.

Siunertaq

Atuartut maluginiutitik takorluuisinnaassusertillu atorlugu eqqumiitsulianik sammisaqarnissaat siunertaavoq. Suliassat aqqutigalugit atuartut eqqumiitsulianik eqqumiitsuliornermillu samminninnerat itisuninngussooq; eqqumiitsuliat pillugit eqqarsaatersuutitik takorluuisinnaaneq nutaanillu pinngortitsisinnaaneq aqqutigalugit paasisaminnik  ersersitsisinnaanngornissaat anguniarlugu.

Maluginiutilerinermi ilitsersuutit suliassallu downloadikkit:

4.-6. kl – Qanorli -Tænk hvis…

4.-6. kl – ILIN. ILIT.