Eqqumiitsuliortoq tjekkiarmioq Klara Hobza (in. 1975) projektiliamut FLAG-imut erfalasumik eqqumiitsuliamik pilersitsinikuuvoq atserlugu ”Dental Growth”. Titartagaq Hobzap silarsuarmut paasinninnissamut atorpaa.

Klara Hobzap erfalasut eqqqumiitsuliai pingasuupput, tamarmik immikkut sapaatip akunnera ataaseq nivingatinneqassapput. Erfalasoq siulleq takutippaa alleroq qaammatit arfinilinneersoq, erfalasup aappaa alleroq arfinilinnik ukiulimmit, pingajuallu alleroq aqqaneq-marlunnik ukiulimmeersoq. Erfalasut takutippaat inuup alleruisa kigutaasalu ineriartorneri. Aqqaneq-marlunnik ukioqalernermiit kigutit inerittarput tassanngaallu arriitsumik aseruukkiartorneri aallartittarlutik.

Erfalasoq siulleq Klara Hobzap eqqumiitsuliaa amoorneqassaaq 12. september nalunaaqutaq 16:30. Erfalasup aappaa amoorneqassaaq sisamanngorneq 19. September. Pingajuallu 26. September.