Kalaallit Nunaannut angalanerit erininerillu

Ukiuni hundredikkuutaani arlalinni imarpissuaq ikaarlugu angalanermi erinineq misigisanut ilaajuarsimavoq – angalanerit isumaliutiginneqqissaarnissamut piffissaqalersitsisarsimapputtaaq.

Isumaliutiginninnerit angalanissamut misigisaqarusunnermullu erininermut tunngasut, angerlarsernermut uteqqikkusunnermullu tunngasut.

Saqqummersitsinerni marluusuni – Nuummi Eqqumiitsulianik Saqqummersivimmi Ilimmarfimmilu Nunatta Allagaateqarfiani – Kalaallit Nunaannut tassanngaanniillu utimut erinineq misissorlugit allagaatitoqqanik umiarsuatoqqanillu qalipakkanik saqqummersitsisoqassaaq.

Allagaatitoqqat, umiarsuit logbogii, umiarsuatoqqanillu qalipakkat saniatigut immiussaq tusarnaarneqarsinnaassaaq, angalanernik, erininernik angerlarsimaffimmullu tungasoq.

Saqqummersitsinermut podcastikkullu oqaasertaliinermut aningaasaliisuuvoq Sermeq Puljen. Podcasti novembarimi 2019 kalaallisut suliarineqassaaq. Allagaatitoqqat, umiarsuatoqqanillu qalipakkat aammalu podcasti novembarimiit Nuummi Eqqumiitsulianik Saqqummersitsiviata allagaateqarfiullu nittartagaanni isiginnaarneqarlutillu tusarnaarneqarsinnaalissapput. Arajutsinaveersaarneqassapputtaqq allagaateqarfiup saqqummersitsiviullu Facebookimi qupperneri.

Suliamut aningaasaliisuuvoq Sermeq Puljen.

Ilimmarfik
7/10 – 11/10 : 8-16
12/10 – 13/10 : 10-14