Eyes as Big as Plates

Eyes as Big as Plates Nuuk Nordisk Kulturfestivalimi 2015-imi pisimavoq. Ukioq manna taamani eqqumiitsuliarisimasatik Nuummi saqqummersissuaat.

Eyes as Big as Plates eqqumiitsuliortut marluk suleqatigiillutik sammisaraat. Tassaapput Finlandimeersoq Riitta Ikonen aamma Norgemeersoq Karoline Hjorth. Nunat Avannarliit oqaluttuatoqaanneersunik sammisaqarnertik aallartissimallugu, inuit ullutsinni pinngortitamut attuumassuteqartarneri misissulersimavaat. 2011-mili Norgemi, Finlandimi, USA-mi, Tuluit Nunaanni, Islandimi, Savalimmiuni, Sverigemi, Japanimi, Kalaallit Nunaannilu utoqqaat assilisaarsimavaat.

Saqqummersitsinermut atatillugu eqqumiitsuliatik tunngavigalugit atuakkiartik saqqummersissuaat.