Imaq aqqutigalugu Kalaallit Nunaat silarsuarmut atavoq – soorlu Nunanut Avannarlernut.

Saqqummersitsineq ”Umiarsuit” meeqqat inersimasullu Nuummi Eqqumiitsulianik Saqqummersitsivimmut takusarsinnaavaat. Qalipakkat imarmut, umiarsuarnut imarsiortuunermullu tunngapput, ukiut hunnorujukkaat arlallit ingerlaneranni oqaluttuarisaanermik oqaluttuartuullutik. Umiarsuit oqaluttuassanik imaqartarput – inuit pillugit, imaq pillugu, sumiiffiillu imminnut qanoq ataneri pillugit.

Saqqummersitsineq Nunatta Katersugaasivia Allagaateqarfialu suleqatigalugit pilersinneqarpoq.

Til udstillingen er udviklet et undervisningsmateriale til 8.-10. klasse samt GUX.

NASSUIAAT:

Atuartut oqaluttuarisaanermik pisunik paasiniaanerminni allaagaatit oqaluttuarisaanermut tunngassutillit eqqumiitsuliallu paasiniaanerminni aallaavigissavaat. Sammisami imaq aallaaviussaaq, imarmi tassaammat umiarsuit atorlugit sinerissami illoqarfiit akornanni aammalu Kalaallit Nunaata nunarsuup sinneranut ataqatigiissitsisoq.

Taamatut suliaqarnerup siunertarivaa, atuartut allagaatinik ilisimasassanillu allanik ujartuinissamut suleriaaseqarnissamullu ilikkarnissaat taamatuttaarlu atortussaminnut toqqakkaminnut tunngatillugu isummersorsinnaanissaat. Atuartut angusassarissavaattaaq allagaatit saqqummersitallu imaasa paasillugit ilikkarnissaat, qanorlu eqqumiitsuliat – soorlu imarsiornermut tunngasut – oqariartuutaat paasillugillu isummerfigisinnaanissaat.

Suliassaq saqqummiinertalik suleqatigiikkaarluni ingerlanneqassaaq. Atuartut Nuummi Eqqumiitsulianik Saqqummersitsiviata saqqummersitaani – Umiarsuit/Skibene – suliaqassapput kingornalu suliatik ilaminnut saqqummiutissavaat. Suleqatigiit tamarmik immikkut allagaatinik assigiinngitsunik imalinnik karsimik pissapput. Taakkunanilu karsini saqqummiinissaminnut paasissutissanik atortussaminnik ujarliissapput. Suliap ingerlanerani soqutigisatik naliliisinnaassusertillu aallavigalugit allagaatit atorsinnaasatik toqqassavaat; qanoq sumilu paasissutissat pissarsiarinerlugit misilissaavaat.

Sammisamik suliaqarneq marlunnut immikkoortortalerneqarsinnaavoq; sivikinneq (atuartitsinerit marluk) sivisuneq (atuartitsinerit sisamat).

Ilinniartitsinerup ingerlanissaa uani inniminneruk: kunstmuseum@sermersooq.gl 

Umiarsuit Suliassat

Umiarsuit Ilinniartitsisumut

Umiarsuit Sammisassat