_N8R7375 - KopiOqaatsit pillugit oqallinnermi oqaatsit suut atorneqarpat, Nunatsinnilu oqaatsit uatsinnut qanoq isumaqarpat? Apeqqutit tamakku eqqumiitsuliortup Lisbeth Poulsenip aamma atuakkiortup Niviaq Korneliussenip Nuummi Eqqumiitsulianut katersugaasivimmi Ordet-(assiliaq) saqqummersitassatut sulissutigaat.

“Eqqumiitsuliani misigisartakkat aallaavittut qitiutillugit oqaatsinut politikki pillugu saqqummersitsiniarpugut. Oqaatsinut politikki inerniligaanngilaq, tigussaanngitsupilussuulluni, taamaattumik ajortortaqarlunilu ajunngitsortaqarpoq. Saqqummersitsinermi uani tamassuma misissornissaa kisaaatigaarput. Suliatsinnik isiginnaartussat oqaatsit pillugit politikkip assigiinngisitaartuuneranik imaluunnit nalinginnaasumik oqaaseqarneq oqaatsinillu takunninnissaannut periarfissikkusuppavut. Suliatta ingerlanerani oqaloqatigiittorujussuuvugut aammalu oqaatsit eqqumiitsuliarinissaat misileraaffigisorujussuullugu, taamaasilluni eqqumiitsuliat qulit tassannga pinngorput. Eqqumiitsuliavut suliarinerini allanngoriartorput; isumaqaratta inuiaqatigiit eqqumiitsulianut ilaatinnissaat pingaartuusoq.”

Lisbeth Poulsen aamma Niviaq Korneliussenimit

Silarsuit marluk akuleriinneqartut

Saqqummersitami allassimasut attaveqaataasut atuakkat, assilisat, taalliat, videomillu eqqumiitsuliat ivertitigaapput. Arnat taakku marluk atuakkiornerup assilialiornerullu silarsuaasa akornanni pissanganartulianik suliaqarput, suliaminnilu kalaallit oqaasii pillugit oqallinneq ilaanni kissaammersitsilluinnarsinnaasartoq atorlugu.

Taamaasilluni saqqummersitsinermi takutinneqarpoq kalaallit eqqumiitsuliortut ajornartorsiutit inissisimaffii pillugit qanoq ersersitsisoqarsinnaanersoq. Katersugaasivimmi ini saqqummersitsiviusoq oqalliffittut Nunatsinnilu ajornartorsiutitta oqallisiginissaanut atorneqarsinnaalersippaa.

Saqqummersitaq Ordet- (assiliaq) pillugu eqqumiitsuliortoq Lisbeth Poulsenimit aamma atuakkiortoq Niviaq Korneliussenimit januaarip 29-ni nal. sisamanut Nuummi Eqqumiitsulianut Katersugaasivimmi saqqummersinneqassaaq takusarneqarsinnaassallunilu februaarip 28-at ilanngullugu.

Læs mere om udstillingen her : Om udstillingen Ordet-(assiliaq)