Dato: Onsdag 18.oktober
Tid: 17.00
Sumiiffik: Nuummi Eqqumiitsulianik Saqqummersitsivik

Isiginnaartitsilluni eqqumiitsuliortartoq (performance kunstner) Jessie Kleemann ujalussiaq tunngavigalugu takutitsissooq. Ujalussiaq pinnguarnermi atorneqarsinnaavoq, kisianni aamma inuuniarnermi pingaaruteqarluinnartuulluni. Ujalussiat ilassinnaapput, qilerneqarsinnaapput, ilaajarneqarsinnaapput, qilerussaarneqarsinnaallutillu. Ujalussiat mersornermi atorneqarsinnaapput – mersorluni katiteraluni, imaluunniit kiluarterneqarsinnaallutik. Isiginnaartitsilluni eqqumiitsuliorneq Nuummi Eqqumiitsulianik Saqqummersitsiviup katersugaataani pinngortinneqarlunilu takutinneqassooq.

Jessie Kleemann, in. 1959, Upernavimmi. Isiginnaartitsilluni eqqumiitsuliortartoq (performance kunstner) taalliortorlu. Titartagartalersuisartutut (grafiker) Nuummi ilinniarsimasuuvoq, isiginnaartitsisartutullu Tuukkaq Teaterimi Danmarkimi ilinniarsimasuulluni. Video atorlugu eqqumiitsuliaqarpoq, ininut ikkussuilluni eqqumiitsuliaqarpoq, isiginnaartitsilluni eqqumiitsuliortarsimavoq aamma isiginnaartitseqataasarsimalluni. 1984-imit 1991-ip tungaanut Nuummi eqqumiitsuliornermik ilinniarfimmi aqutsisuusimavoq. Taalliortutut nunat tamalaat taalliornermik atuakkiornermillu festivalertitsineranni arlaleriarluni peqataasarsimavoq. Aammattaaq isiginnaartitsillutik eqqumiitsulioqatigiittartut The Wolf in the Winter suleqatigisimavai.