Law Shifters & Nuuk Nordisk

Inatsisissanut siunnersuutit nunani namminersorfiusuni Kalaallit Nunaanni Ålandimilu inuusuttunit siunnersuutigineqarsimasut Nuuk Nordiskip ingerlanneqarnerani Nuup illoqarfiani plakaatitut nivinngartorneqartassapput.

Law Shifters eqqumiitsuliortumit Stine Marie Jacobsenimut isumassarsiaavoq. Plakaatit inuusuttut eqqumiitsuliortullu peqataaffigisaanni workshoppini pilersinneqarsimapput. Suliaq eqqumiitsuliortup, Ålandimi Nordens Institutip aamma Nuummi Eqqumiitsulianik Saqqummersitsiviup suleqatigiissutigaat.

Nuummi Eqqumiitsulianik Saqqummersitsivimmi inatsisinut maskiina takusarneqarsinnaavoq. Saqqummersitsivimmut isertut tamarmik inatsisissamik siunnersuummik ikisisinnaapput, kingornalu Ilisimatusarfimmi juramik ilinniartunit inatsissatut allattassallugit. Siunnersuutit nittartagaq www.law-shifters.eu/category/1st-edition aqqutigalugu plakaatitullu saqqummersinneqartassapput.

Nuummi Eqqumiitsulianik Saqqummersitsivimmi Law Shifters arlalinnik suleqateqarpoq: meeqqat pisinnaatitaaffii pillugit sullissivik MIO, Meeqqat Ikiortigit, Ilisimatusarfimmi Inatsisilerinermik Immikkoortortaqarfik kiisalu Ilinniartitaanermut Aqutsisoqarfik/Uddannelsesstyrelsen.

Law Shifters Nordisk Kulturfondimit, Statens Kunstfondimit, Svend aamma Helene Junge fondianit, Nuummi Najukkami Ataatsimiititaliamit aamma Den Grønlandske Fondimit, Royal Arctic Linemillu tapiiffigineqarpoq.