Chirts & Cloves 18.01.-25.02.18

Chirts&Cloves – Assiliisut Inuuteq Storch, Igor Morales aamma Nathalie Guio.

Eqqumiitsuliortut pingasut – Inuuteq Storch, Igor Morales aamma Nathalie Guio Kalaallit Nunaanniit, Brasilienimiit Columbiamiillu aggerfeqartut – saqqummersitsinermi Chirts&Cloves-imi asanninnermut tunngasut paasisassarsiorfigisimavaat.

Inuuteq Storch tassaavoq kalaaleq inuusuttoq assiliisartoq. Assiliinermut ilinniarfik ataqqisaasoq Fatamogana Danmarkimiittoq aamma International Center of Photography New Yorkimiittoq ilinniarfigisimavai. New Yorkimiinnermini Igor Morales Brasilienimeersoq aamma  Nathalie Guio Columbiameersoq naapippai, taakkuullutillu asanninnermut inuusuttuunermilu inuunermut tunngasumik assiliisarnissamik suliniuteqalerput.

Eqqumiitsuliortut akornanni naapeqatigiinnikkut asanninnerlu nuannersoq tunngavigalugit qulequtaq pinngorpoq. Chirts hearts-illu (uummataasat) nipaat assigiingajannerat atorlugit oqaatsinik pinnguarneruvoq, aammali ikiaroornartumut/eqqissisaatitalimmut tunngatillugu oqariaartaasiulluni. Cloves isumaqarpoq nellike – akuutissaq tungusunnitsoq.

Eqqumiitsuliortut pingasuusut naapinnertik asanninnerullu sammivii assigiinngitsorpassuit isumassarsinermikkut assit aqqutigalugit asanninneq tunngavigalugu paasisassarsiorput.

Saqqummersitsineq sisamanngornermi 18. januaarimi nal. 17 ammarneqassaaq. Namminersorlutik Oqartussat Tips- og Lottomidler aqqutigalugit aningaasanik tapiisuupput, aammattaaq Royal Arctic Line-i tapiisimapput.