Anaanaga NAPA-p ataani – Nunani Avannarlerni Piorsarsimassutsikkut Attaveqaat – Kalaallit Nunaanni suliniutaavoq kalaallit meeqqat tamarmik titartagaannik katersuiffiusoq.

Anaanaga suua, anaana susinnaava aamma anaana sulioqatigineqartarpata, apeqqutit taakku aallaavigalugit meeqqat titartaasimapput. Saqqummersitsineq manna meeqqat titartagaat katersorneqarsimasut aallaavigalugit pilersinneqarpoq.

Suliniummik oqaluttuat oqariartaatsillu suut eqqumiitsulianik saqqummersitsinerni meeqqat titartagaanni saqqummertarnersut alaatsinaanneqarput.

//

Saqqummersitsinissamut meeqqat titartagaannik toqqaaniarnermi piumasaqaatit arlariiupput, tassa illoqarfinnit tamanit titartakkat nassiunneqartut ilanngussiviginissaat aamma titartakkat sapinngisaq tamaat meeqqanit ukioqanngitsuniit 18-inut ukiulinneersuunissaat.

Titartakkanik toqqaaniarnermi piumasaqaatit pingajuat takkuppoq. Meeqqat titartagaat tamarmik Nuummi Eqqumiitsuliornermut Katersugaasiviup qaliata natianut siaruarterneqarput tamatumalu kingorna qanoq oqaluttuunneraatigut isiginnaarlugit misissorpavut. Meeqqat anaanatik pillugit sunik qanorlu oqaluttuarnersut aamma sammisat oqariartaatsillu suut saqqummernersut aallaavigalugit toqqaavugut.

//

Anaanaga pillugu quppersakkami saqqummersitsinermut tunngasut atuarsinnaavatit:

anaanaga folder DK

anaanaga folder GRL

//

Atuarfinnut meeqqerivinnullu:

Atuartut meeqqerivimmiullu sapaatit akunnerani ulluni tamani pulaarnissaannut tikilluaqqusaarujussuarput. Nalinginnaasumik ammasarnitta avataatigut ammarsinnaavugut. kunstmuseum@sermersooq.gl-imut allagit pulaarnissarsilu inniminnerlugu, tassami meeqqat ataatsimoortut ataatsit taamaallaat inissaqartinneqartarmata.

Saqqummersitat inini qullerniipput. Tappikunga ingerlatillusi katersaativut itisilerlugit alaatsinaallugillu misissorsinnaavasi. Tassaniipput meeqqanut angisuunut mikisunullu suliassat Anaanagamik katersanukarnissinni suliarisinnaasasi:

Anaanagap tungaanoornermi

//

Nuuk Kunstmuseum, 10. klassinut, ilinniarnertuunngorniarfinnut ilinniaqqiffinnullu atuartitsissutitut saqqummiinermik neqerooruteqarpoq. Saqqummersitarput “Anaanaga” tunuliaqutaralugu atuartitsissutitut neqeroorutigaarput; eqqumiitsuliat suuppat aamma saqqummersitsineq suua? Oqaloqatigiinnikkut paasiniartarpavut saqqummersitsinermi eqqarsaatit oqaatsillu suut atorneqarnersut, tamakkulu saqqummersitsivimmi qanoq ersersinneqartarnersut. Atuartitsilluni saqqummiineq nalunaaqutap akunnerata affaanik sivisussuseqarpoq, tamatuma kingorna atuartut nammineerlutik katersugaasivimmi suliassatik suliarisinnaavaat.

 

Plakat anaanaga