Blok 2-mi aamma Blok 6-imi eqqumiitsuliortut sisamat suliaat takusakkit!

Nuummi Eqqumiitsulianik Saqqummersitsiviup Teater Freeze Productions suleqatigalugu saqqummersitsiviit allaanerusut pilersissimavaat, Nuuk Nordisk Kulturfestivalip ingerlanerani takuniarneqarsinnaasut.

Eqqumiitsulianik saqqummersitsiviit blok 2-mi 6-imilu inissisimassapput, aammalu isiginnaagassiat Narsarsuaq // Sletten ART taakkunani takutinneqartassallutik.

Eqqumiitsuliortut sisamaasut Paarma O. Brandt, Inuuteq Storch, Ivínguak’ Stork Høegh aamma Martin Brandt tamarmik immikkut inimik tunineqarput, piumasaminnik saqqummersitsivissaannik.

Taakku saniatigut aamma eqqumiitsuliortoqatigiit LARM – Jacob Fälling aamma Kenneth Olsson, inuit meeraanerminni angerlarsimaffimminnik oqaluttuaat aallaavigalugit saqqummersitsissapput.

Eqqumiitsuliortut saqqummersitaat blok 2-mi 6-imilu pissutsit malillugit ilusilersorneqassapput, ilaatigut allunaasat, iikkami qalipakkat assilisallu atorneqassallutik

Suliamut aningaasaliisuuvoq Nuummi Najukkami Ataatsimiititaliaq.