ASSINGA – rum46 aamma Århus Feminist Collective suleqatigalugu

ASSINGA tassaavoq rum46, Nuummi Eqqumiitsulianik Saqqummersitsivik aamma Århus Feminist Collective suleqatigalugu Århusimi saqqummersitsisarnerit oqallititsinerillu. Taakku saniatigut aamma nittartakkatigut oqallititsinerit takutitsinerillu pisassapput.

Oqaaseq assinga assigiinngitsunik isumaqarpoq: assigiit, assilisaq, nalingaluunniit.  Suleqatigiinnermut taanna qulequtaliarineqarsimavoq, rum46 Nuummi Eqqumiitsulianik Saqqummersitsiviup avatimini saqqummersitsiviatut atorneqassammat.

Århus Feminist Collective (ÅFCo) suleqatigalugu kalaallit eqqumiitsuliaat aamma Danmarkimi isiginnaartartut imminnut qanillinissaat suliniutaavoq, aammalu taakkuninnga suliaqartartut imminnut qaninnerulernissaat. Ilisimatusarneq, allaaserisanik saqqummersitsinerit, atuffassinerit, workshoppit allallu kalaallit eqqumiitsuliaannut tunngasunik ukkassinissaq aamma suliniummut ilaavoq. Suliniut eqqumiitsuliornikkut ilisimatusarnikkullu paasisimasanik nutaanik pilersitsissaaq, sammisami qulaanneqakkajuttumi: tassa eqqumiitsuliorneq Kalaalllit Nunaannut tunngasoq aammalu Kalaallit Nunaanneersoq.

Rum46-p Instagrammiani malinnaagit: instagram.com/rum46studsgade/

Aamma Facebookkiani malinnaagit: facebook.com/rum46artspace