Nipinik eqqumimiitsuliat Nuummi Eqqumiitsulianik Saqqummersitsivimmi

Nipinik eqqumiitsuliortartoq Jacob Kirkegaard (in. 1975) Nuummi eqqaaviit eqqakkallu kuuffii – inuup qimatuligai immiussimavai. Immiussat taakku mikisunnguakkuutaarlugit eqqumiitsuliarisimavai, Nuummi Eqqumiitsulianik Saqqummersitsivimmilu misigineqarsinnaallutik.

Sisamanngorpat augustip 8.ani nal. 19-21 tungaanut Nuummi suliani saqqummiutissavai aammalu eqqumiitsuliaq TESTIMONIUM saqqummiutissallugu.

TESTIMONIUM eqqakkanik, erngup kuuffianit, eqqakkanillu immikkoortiterinermi saliutinillu nipinik Danmarkimi Letlandimilu, nunarsuarmilu eqqaavissuarni annersaasa ilaannit; Dandora Nairobi, Kenyamiittumit immiussaallutik. Taakkuninnga Nuummi eqqumiitsuliai ilassutaallutillu annertusagaapput. Jacob Kirkegaardip taakku, sannai aammalu eqqarsaatersuutini matumani saqqummiutissavai.

Nipinik tigooraasut eqqakkat assigiinngitsut: nerisat eqqakkat, erngup kuuffia, kuut mingutsitat, savimernit eqqakkat, igalaamerngit plastikkillu ikuallatat, naqqanni immiusivinnik toqqorsimasaminit inuup qimatai, suliffeqarfissuillu ataqatigiinnerisa eqqumiitsuliaralugu sanaarisimavaa.

Jacob Kirkegaardip sanaavi, pissutsinik, malugisimanngisatsinnit, eqqarsaatigisanngisatsinnik, alakkarneqarneq ajortunit, paasiuminaassinnaasunillu piunitsinnut nipinngorsinnaasunik, takussutissianngorsinnaasunik tigussaasunngorsinnaasunillu sanaajusarput. Nipit immiussai ilaatigut qinngornernik ulorianartunik Tjernobylimit aammalu Fukushimami, sermersuup aannera issittut nunaanni, Palæstinap iigarsuani nipit sanaajupput.

TESTIMONIUM Nuummi Eqqumiitsulianik Saqqummersitsivimmi misigineqarsinnaavoq sapaatiuppat augustip aqqarngata tungaanut.

Saqqummersitsinermut aningaasaliisuuvoq Tapiissuteqarfik Sermeq.