Meeraanermi angerlarsimaffik// Nuuk Nordisk

Nuummi katersugaasiviit Nuummi Eqqumiitsulianik Saqqummersitsivik, Nuutoqqami Nuup Katersugaasivia aamma Nunatta Katersugaasivia peqatigiillutik LARM suleqatigalugit Niels Lyngep Illuani saqqummersitsissapput.

Niel Lyngep Illua 1950-imi namminersuutigalugu suliaavoq. Palasip Niels Lyngep ilaqutaasalu pigisimavaat. Maannakkut illu taamani najugarineqarsimanermisut isikkoqarluni napavoq.

Nuuk Nordiskip ingerlanerani illup initaasa pequtaasalu oqaluttuassartaat, aamma Niels Lynge pania Lisa Lynge-Hesseldahl illumi meeraanertik pillugu podcastitut tusarnaarneqarsinnaasumik immiussisimalluni. Immiussaq tusarnaajutigalugu illu pulaarneqarsinnaavoq.

Illup qaliani pisattat assigiinngitsut nuummiutoqqat meeraanerminnit pigisaat LARM-imillu iluarsartuussat qimerloorneqarsinnaapput. Festivalip ingerlanerani LARM-ip qulequtaq ‘meeraanermi angerlarsimaffik’ immersorlugu suliaqassapput, ilaatigut Nuummi najugallit, festivaleqataasut pulaartullu peqatigalugit. Illoqarfimmi tamani tamaani workshop, akulerunnerit saqqummersitsinerillu takkuttassapput.

Suliamut aningaasaliisuuvoq Nuummi Najukkami Ataatsimiititaliaq.

Ammasarfiit:
6/10 : nal. 13-17
7/10 – 13/10 : nal. 15-17


1970: Illu alakkaruk

Illu Nuummi 1970-ikkunnitut pisatsersorsimasoq, Niels Lyngep Illuata akianiittoq takusaruk!

1950-ikkunni illlu nammineq sanaaq Grethemit Ludvig Johansenimillu pigineqarsimavoq. Ludvig Qeqertarsuatsiaamioq sanasuusimavoq. Illu 1953-imi sanasimavaa, 1960-ikkunilu ilasimallugu.
Maanna illumik piginnittoq oqaluttuarisaanermi ilinniartitsisuuvoq, illullu sananeqaqqaarneranit 70-ikkut tungaanut suliarineqarsimanera pisatsersoriaasaalu malillugit ulluni aaqqissortarlugu. Ludvigip quia sukujunnik ulikkaarpoq, Nuummi inuunerup iluitsup ingerlarngani katersorneqarsimasut. Sukujuarsuit arlaat iluatigigukku tiguunnariaruk!

Sapaammi 6. oktobari nal. 13-17, aamma sapaat 13. oktobari nal. 15-17. Takuss!