Nuummi Eqqumiitsulianik Saqqummersitsivik suleqatigalugu eqqumiitsuliortup Gudrun Haslep nunani assigiinngitsuni eqqumiitsuliortut allat qaaqqusimavai, Holmip Illuata silataani erfalasuliorfimmut erfalasulioqqullugit.
Eqqumiitsuliortuni tulliuvoq savalimmiormioq Jóhan Martin Christiansen (in.1987). Erfalasoq qulequtsersimavaa “Halv Engel. Ser du.” Erfalasoq annoraamernginit assigiinngitsunit issoqqaarissunik katitikkanik sanaajuvoq, amiutinik, tiimik bilikkimillu misutaallluni. Inngili Norgemi Kinsarvikimi alterip assiliartaaninngaanneerpoq. Jóhan Martin Christiansen eqqumiitsulioraagami sammisaminik illinersiuisutut sulisarpoq, amerlanertigullu eqqumiitsuliai ilisarnarunnaarsimasarlutik. Jóhan Martin erfalasuliani aqqutigalugu aperivoq: Anorip erfalasoq malersorpaa imaluunniit killormoorpa? Ullut ilaanni inngilip anori ilassivaa, kangianinngaanneersoq, kingusinnerusukkullu kitaaneersoq, avannaaneersoq, kujataaneersorlu.
Erfalasut assigiinngitsorpassuupput, soorlu naalagaaffiit erfalasui, arsaattartut klubbiisa erfalasui, erfalasut kalerrisaarutit, qinunermi erfalasut allarpassuillu. Erfalasut assigiinngitsorpassuarnik isumaqarsinnaapput – ulloqartarpugut erfalasulerfiusunik, pisortaqarfiit erfalasulerfissanik ulloqartarput, nalliuttorsiornerni erfalasulersortarpugut, ilaatigullu aamma ulluinnarni erfalasulersortarluta. Erfalasulersimagaagatta nalunaaqutsiisarpugut, ungasianiilluunniit attaveqatigiinnermut atorlugit. Erfalasut kinaassutsimut sumullu attuumassuteqarnermut tunngasinnaapput.
Aningaasaliisut qujaffigaagut: Statens Kunstfond
Atuarfinnut meeqqerivinnullu tulluarsakkamik atuartitsissutissaq suliarineqarsimavoq, Nuummi Eqqumiitsuliornermik Saqqummersitsiviup nittartagaanit aaneqarsinnaasoq : Kulturikkut Isumassarsiorfik