Teknikkikkut ajutoorneq (paasissutissiineq 27. maj)
Kommuneqarfik Sermersuumi teknikkikkut ajutoorneq aamma Saqqummersitsivimmut sunniuteqarpoq. Taamaammat mailikkut attavigineqarsinnaanngikkallarpugut. Oqarasuaatikkut angallattakkakkut attavigineqarsinnaavugut: +299 547595. Pisiniarfitsinni kortimik akiliissut aamma ajorpoq, taamaammallu una sap. ak. tamaat iserneq akeqanngilaq! Pisiniassaguit aggorsimasut tigusarpagut.

Aasaanerani saqqummersitsineq: nuna-
Saqqummersitsineq “nuna-” eqqumiitsulianik Saqqummersitsiviup katersaataanik tunngaveqarpoq. Eqqumiitsuliat nunamut tunngasut, ilaatigut Kîstat Lundip, Anne-Birthe Hovep, Anne-Lise Løvstrømip allallu aammalu Pam Stachip Lasse Kyedillu suliaat ilaassapput. Ammaanersiorneq juunip 9-ani nal. 15-17 ammaanersiussavarput. Saqqummersitsineq 2026-mi septembarip 6-iata tungaanut takusarneqarsinnaassaaq.

Saqqummersitsineq: Kusnartuliat (maajip 24-ani matuvoq)
Ammaanersiorneq tallimanng. feb. 20-at nal. 17-19. Saqqummersitsinermi kalaallit kusanartuliaat aammalu eqqumiitsuliornermut qanissusaat misissorneqarpoq. Eqqumiitsuliortut aqqaneq marluk mersortarfimmilu Kittani mersortartut pingasut suliaat kusanartuliorneq tunngavigalugu suliaat saqqummersitsinermi takutinneqassapput…

Ullorsiutit 2025
Ukioq manna 2025-mut eqqumiitsulianik imalimmik ullorsiutinik naqiterititsivugut, saqqummersitsineq ”Illoqarfik” tunngavigalugu. Grafisk Værkstedimit, ullumikkut Eqqumiitsuliornermik Ilinniarfik, 1970-ikkunni ullorsiutit isumassarsiorfigalugit ullorsiutiliorpugut.
Ullorsiutit saqqummersitsivimmi maanna ukiami 2025-mi taamaallaat 20 koruuneqarput.

Eqqumiitsuliorluni suliaq immikkut malunnaatilik Augustinus Fonden-imit tapiissutinik qulakkeerneqarpoq
Aningaasaliissuterpassuit Augustinus Fonden-imeersut pissutaallutik Melting Barricades, Asmund Havsteen-Mikkelsen-imit Inuk Silis Høegh-millu pilersinneqarsimasoq, Nuummi Eqqumiitsulianik Saqqummersitsiviup ataatsimut pisiarisinnaalerpaa.