Illit ilagisallu ataaseq ukioq naallugu akeqanngitsumik isersinnaassaatit!
Nuummi Eqqumiitsulianik Saqqummersitsivimmi klubbimik aallartitsiniarpugut. Ilaasortat pisussanut qaaqqusaasassapput, saqqummersitsivimmilu sulianut pisunullu tapersersuisuussallutik, ambassadøriullutik. Klubbi aqqutigalugu Nuummi najugalinnut saqqummersitsivik suli atornerunissaa kajumissaarutigaarput. Saqqummersitsiviup kulturikkut eqqumiitsuliornikkullu suliniutaanut tapersersuinerit ilaasortatut ersersissavat.

Pissarsiassat

– Ukioq ataaseq (maajimit-maajimut) ilaasortaaneq atuuttassaaq
– Ilaasortanngoqqaarnermi tunissut
– Mailikkut nutaarsiassanik pisartagaqalerneq
– Illit ilagisallu ataaseq ukioq naallugu akeqanngitsumik isersinnaalissaatit
– Pisiniarfitsinni pisinermi -5%
– Ukiup ingerlanerani saqqummersitsinernut atatillugu kataloginik akeqanngitsumik pissarsisinnaaneq

Ilaasortaanermut akit

Aallartissarnermi aki, maajimi 2021-mi atuuttoq:
250 kr. tunissut ilanngullugu.
Maajip 16-iata kingorna: 350 kr. tunissut ilanngullugu.
Ilaasortaanermik ukiumik sivitsorneq: 200 kr.
Saqqummersitsiviup pisiniarfiani ilaasortanngorsinnaavutit, akiliillutillu.

Anne-Birthe Hovep suliai Five Letters

Klubbip atia Anne-Birthe Hovep (1951-2012) tulleriiaattuliaanut Five Lettersimut 2007-imeersumut tikkuartuuvoq. Umiarsuarmut Fram-imut eqqumiitsuliarisimavai. Katillugit tallimaapput, litografiiullutik, 50×70 cm missaanik angitigisut. Tamarmik allakkap puussaanik imaluunniit aajusamik @ takusassartaqarput. Eqqumiitsuliani Nuummi ukiaasoq misinnarpoq, silaannarmilu tulukkat timmeralaarlutik. Kisianni nuna aaliangersimasoq sammineqanngilaq, ilisarnanngitsuliaallunilu ilisarnartortaqartoq.

Hove Aasianneersuusimavoq, inuunermili annerpaartaa Nuummi najugaqarsimalluni. Eqqumiitsuliortuni Kalaallit Nunaanni eqqumiitsuliornermi oqaluttuarisaanermi Hove pingaaruteqarnerit ilagisimavaat. Inuunermini sivikippallaaraluartumi eqqumiitsuliortut kalaallit atugarisaat sulissutigisimavai aamma Kalaallit Nunaata saqqummersitsiveqalernissaa sulissutigisimallugu. Aammattaaq Eqqumiitsuliornermik Ilinniarfik aamma Nunatsinni Eqqumiitsuliortut Peqatigiiffiat KIMIK aqqutigalugu eqqumiitsuliortut kalaallit isumassarsiortittarsimavai.

Hovep tulleriiaattuliai Five Letters Nuummi Eqqumiitsulianik Saqqummersitsiviup katersugaataanut 2019-imit pigineqalerput.