Saqqummersitsinermi “Stitching Together” qanoq immitsinnut asasatisnnillu atisalersortarneq, kusannalersortarneq aammalu qanoq saattuaasalersortutullusooq iliortarneq tunngavigalugu nunap, ilaqutariinnerup, nunallu inoqqaavisa timimikkut namminersortuunerat misissorneqarpoq.

Saqqummersitsineq Heather Igloliortemit aamma Alysa Procidamit aaqqissugaavoq. Eqqumiitsuliortut Kablusiakip, Kaylyn Bakerip aamma Krystle Silverfoxip suliai nutaanerusut saqqummersinneqarput. Eqqumiitsuliortut Yukon-imit aamma North West Territories-imeersuupput.

Suliaat assigiimmik aallaaveqaraluarlutik assigiinngitsuupput. Tamarmik nunat inoqqaavisa ataavartumik piuneri misissugaraat. Suliamminni inuit aammalu inunnik annerusut eqqarlerisat akornanni attaveqarnerit suli ataneri uppernarsarpaat, assiganillu eqqaamaneqartut nunallu akornanni attaveqarnerit suli atasut uppernarsarlugit, oqaluttuarisaanermi sulilu maannamut nunasiaateqartarnerup nungusaaniartarnerigalui unititsiniartarnerigalui akimorlugit.

Sumi: Blok 2-9, silataani.

Tallimanngornermi maajip 26-ani nal. 11-12 Nuummi Eqqumiitsulianik Saqqummersitsivimmi eqqumiitsuliortut oqaluttuassapput.
Saqqummersitsineq Nuuk Nordisk Kulturfestivalimut atavoq.