ERFALASOQ // FLAG 3.6-13.6 2021

2019-imi apriilimiit maajip 2021-ip tungaanut eqqumiitsuliortup Gudrun Haslep Nuummi Eqqumiitsulianik Saqqummersitsivik suleqatigalugu, eqqumiitsuliortut nunani assigiinngitsuninngaaneersut qaaqqusimavai. Nuup qeqqaniittumut Holmip Illuata eqqaanut amuneqartussamik eqqumiitsuliamik erfalasuliornissamut qaaqqusineq.

Erfalasut eqqumiitsuliat 13-it suliarineqarsimapput, maannalu taakku ataatsimoortinneqarlutik 2021-mi juunip pingajuanit 13-iata tungaanut saqqummersinneqalerput. Eqqumiitsuliortut tamarmik erfalasoq suusarsimanersoqeqqarsaatersuutigisarsimavaat, maannalu suunersoq eqqarsaatersuutigalugu, aammalu suusinnaanersoq eqqarsaatersuutigalugu.

Erfalasulerneq nalunaaqutsiinerusarpoq sakkortusinnaasoq. Erfalasoq atorlugu arlaannik kalerriissuteqartarpugut. Erfalasut assigiinngitsorpassuupput, soorlu naalagaaffiit erfalasui, arsaattartut klubbiisa erfalasui, kalerrisaarutit, qinunermi erfalasut allarpassuillu. Ulloqartarpugut erfalasulerfiusunik, pisortaqarfiit erfalasulerfissanik ulloqartarput, nalliuttorsiornerni erfalasulersortarpugut, ilaatigullu aamma ulluinnarni erfalasulersortarluta. Erfalasulersimagaagatta nalunaaqutsiisarpugut, ungasianiilluunniit attaveqatigiinnermut atorlugit.

Erfalasut eqqumiitsuliat Namminersorlutik Oqartussat allaffeqarfiisa, Nuutoqqap, oqaluffiup aamma Hans Egedemut eqqaaniutip akornanni amuneqarsimasarsimapput, tassa Holmip Illuata naatsiivittaani. Ilaatigut inuit erfalasumik eqqumiitsuliamik takugaagamik unillutik erfalasoq eqqumiitsuliatut, nalunaaqutsiisartutut aammalu iliuuseqartitsisartutut eqqarsaatersuutigineqarnissaa siunertaasimavoq.

Juunip qulingani saqqummersitsinermi suliniut FLAG/ERFALASOQ pillugu saqqummiisoqassooq. Saqqummersitsiviup nittartagaatigut Facebookkiatigullu piffissaq nalunaarutigineqassaaq.

Suliniut Statens Kunstfondimit aamma Nuummi Najukkami Ataatsimiititaliamit aningaasaliiffigineqarpoq.

EQQUMIITSULIORTUT

Miki Jacobsen (GRL) – Jóhan Martin Christiansen (FO) – Gudrun Hasle (DK) – Klara Hobza (CZ) – Jeannette Ehlers (DK) – Jacob Borges (DK) – Gukki Nuka (GRL) – Ivínguak’ Stork Høegh (GRL) – Hesselholdt & Mejlvang (DK) – Máret Ánne Sara (NO) – Paarma Brandt (GRL) – Jette Hye Jin Mortensen (DK) – Sonya Kelliher-Combs (US)

ATUARUK