“Titartagartalerineq atuakkamik qanimut atuarluagassatut ippoq”. Taamatut eqqumiitsuliortoq Anne Birthe Hove (1951-2012) oqarnikuuvoq.

Eqqumiitsuliortoq kalaaleq Anne-Birthe Hove eqqumiitsuliortut Kalaallit Nunaanni eqqumiitsuliornermut eqqumiitsuliornerullu oqaluttuassartaanut annertunerpaamik sunniuteqarsimasut ilagivaat. Inuunermini sivikippallaamik inuunermini ukiorpassuarni Kalaallit Nunaanni eqqumiitsuliortut ikiorlugillu isumassarsitittarsimavai, ilaatigut Nuummi Kalaallit Nunaanni eqqumiitsuliornermut ilinniarfimmi, kisiannili aamma Nunatsinni eqqumiitsuliortut peqatigiiffiata KIMIK-p siulittaasuattut.

Amerlasuut nuannaarutigisaannik 2014-imi Rikke Diemer nakkutiginnittuliullugu Nordatlantens Bryggep, Bornholms Kunstmuseumip nuleernerullu Thomas Steensgaardip akornanni suleqatigiinnikkut, kingumut qiviarluni saqqummersitsisoqarpoq. Saqqummersitsineq Danmarkimi iluatsilluinnarpoq, maannakkullu kiisami kalaallit Nuummi Eqqumiitsulianik Saqqummersitsivimmi apriilip arfineq-pingajuanniit juulip qulingata tungaanut saqqummersitsinermut alakkaanissaminnut periarfissaqalissapput.

Eqqumiitsuliortup titartagartalerinermik eqqumiitsuliai pikkunartut, peqqissaaruteqqissaagaanngitsumik aammali eqqissisimasumik inuuneq, pinngortitaq Kalaallit Nunaannilu inuit pillugit takutitsisut. Ttitartagartarinermik eqqumiitsuliaata akornanni immikkuullarissoqarluni imaluunniit imaqanngitsortaqarpoq. Najoqqutarisatut toqqagai tassaapput inissiarsuit aserfallannikut, ilaqutariit ataatsimoortut Nuullu anorersuarnera. Naak akulikitsumik pinngortitaq qitiutinneqaraluartoq, annertunerusumik tunuliaquttatut atorneqarnerukkajuppoq imaluunniit inuup atuunneranut piuneranullu tunngaviulluni.

Eqqumiitsuliat amerlasuut pinngortitap inuullu, aammalu inuup inuiaqatigiillu akornanni ataqatigiinnerat aallaaveqarput. Qulequttat maannakkut atuuttuullutillu tamatigoortuullutillu allanngujuitsuupput. Eqqumiitsuliaani ilusit ataasiakkaat sammisallu ataqatigiinnerini qalipaatinik akerleriinnik ilusilersugaapput – qalipaatigissaartut qalipaatigissaangitsullu, titarnerit imaqannginnersarlu, oqimaatsut oqittullu – tamatigut killilersimaarnermik misigittassuseqarfigineqarlutik.

Grafisk Skolemiit, Kunstpædagogisk Skolemiit aamalu Københavnimi Kunstakademimiit ilinniarsimasuuvoq. Eqqumiitsuliortutut sulinera tamaat ingerlanerani periutsinik ersersitsinernillu ineriartortitsiuarlunilu misilittaajuaannarsimavoq. Oqaluttuarusussuseqarnermigut atortullu periarfissaannik annertuumik pikkorissuseqarnermigut taamatut iliortarsimavoq.

Saqqummersitsinissamut eqqumiitsuliat, Anne Birthe Hovep inuusunnermini eqqumiitsuliortutut eqqumiitsuliaanit siusippallaamillu toqunissaata tungaanut titartagaasa kingullernut eqqumiitsuliat ilaat toqqarneqarsimapput. Saqqummersitsinermut atatillugu saqqummersitaniit toqqakkanik imalimmik Jørgen Chemnitziminngaannit oqaasertalikkanik allatsitsivissamik saqqummersitsisoqarpoq. Saqqummersitsineq apriilip arfineq-pingajuanni nal. 16:00 ammarneqassaaq 2016-imilu juulip qulingata tungaanut alakkarterneqarsinnaassalluni.

Saqqummersitsineq RAL-imit aamma Tips og Lottomit aningaasaliiffigineqartoq.