OPEN-CALL: Illoqarfik

Puttaarunnaaq. 2023. Mike Lynge.

Nuummi Eqqumiitsulianik Saqqummersitsivimmi illoqarfik sammillugu saqqummersitsinissamik suliaqarpugut. Saqqummersitsineq ukioq manna junimit septemberip tungaanut saqqummersinneqassaaq. Illoqarfinni illut ilusilersorneqarneri, illoqarfiit alianaatsortaat, illoqarfiit seqernup tarrilernerani, illoqarfiit tukattortai, illoqarfippalaarnerillu soorlu graffiti, suliffeqarfissuit sanaartornerillu, inuit/pinngortitaq/uumasut/sila/nipit illoqarfillu…

Saqqummersitsinissamut atatillugu maanna censureret open-call suaarutigaarput; tassa eqqumiitsulianik illoqarfinnut tunngasunik saqqummersitsinermut ilaasinnaasunik siunnersuuteqarnissamik periarfissamik tamanut ammasumik suaaruteqarpugut. Eqqumiitsuliap qanoq suliaanissaanut killeqanngilaq, neriuutigaarpullu suliat ilaat assiliivimmik assilisaassasut, videoliaassasut, nipinilluunniik eqqumiitsuliaallutik.
Eqqumiitsuliat qulit tungaannut saqqummersitsinermut toqqarneqassapput. Toqqaasussat eqqumiitsuliat nutaanerusut salliutippaat.
Eqqumiitsuliat pingasut tungaannut aamma 2025-imut ullorsiutiliarineqartussanut toqqangaassapput.
Ullorsiutit eqqumiitsulianik assitaqassapput, eqqumiitsuliortoq eqqumiitsuliarlu pillugu nassuiaatitaqartarlutik. Nassuiaataat kalaallisut, qallunaatut, tuluttullu allaqqassapput. Eqqumiitsuliat saqqummersitsinermut toqqarneqartut tamarmik immikkut 2.000 koruunimik akissarsitinneqassapput.

Kalaallit Nunaanni najugallit eqqumiitsulianik siunnersuutinik nassiussisinnaapput.
Ulloq nassiussiffissaq kingulleq: apriilip 21-at 2024.
Eqqumiitsuliamik nassiusserusukkuit, apeqqutissaqaruillu, mailikkut ugguuna nassiussisinnaavutit:
kunstmuseum@sermersooq.gl

Eqqumiitsuliavit takunissaanut qilanaarpugut!