Saqqummiineq oqallinnerlu: SoMe-mut eqqumiitsuliorneq

Eqqumiitsuliorneq aamma nunasiaataanermit ileqquliussanik atorunnaarsitsiniarneq illarnarsinnaava? Postdoc Naja Dyrendom Graugaard saqqummiineranut kingornalu memenik pilersitsisartut Lili F. Chemnitz, Paninnguaq Pikilak, Inunnguaq Reimer, Vivi Vold aamma Qarsoq Høegh-Dam oqalleqatigineranut tusarnaariaqqusivoq.

Saqqummiinermut kiisalu oqallinnermut aallaaviuvoq ”Playful Encounters” – Kalaallit digitalimik eqqumiitsuliorneranni pinnguarneq quiasaarinerlu. Nuummi 2024-mi apriilip 25-anit 30-ata tungaanut ingerlanneqassaaq. Suliniummi quinartunik pilersitsisartut, teknologinik immikkut ilisimasalik aamma inuiaqatigiinnik ilisimatusartoq sapaatip akunneranik sivisussusilimmik Nuummi workshoppimik ingerlatsissapput. Peqataasut eqqumiitsuliornerup, nunasiaataanermit ileqquliussanik atorunnaarsitsiniarneq aamma inoqatigiit attaveqatigiittarfii misissuiffiginissaannut periarfissinneqassapput. SoMe aqqutigalugit kulturit nutaat naapiffii kiisalu inuiaqatigiinni sammisanik isornartunik oqaloqatigiinnernik nutaanik qanoq pilersitsisoqarsinnaanersoq workshoppimi misissorneqassapput. Workshoppi pinnguartarfittupajaaq ippoq, eqqumiitsuliortut peqataasut SoMe aqqutigalugit eqqumiitsulianik ineriartortitsinissaminnut isumassarsiaminnillu nutaanik misileraanissaminnut periarfissinneqarlutik.

Oqallinnermik ingerlatsinerup kingorna eqqumiitsuliortut oqaloqatiginissaannut periarfissaqassaaq kiisalu workshoppi aqqutigalugu isumassarsiat suliallu pilersinneqarsimasut ilaat takuneqarsinnaassallutik.

Saqqummiussineq qallunaatut ingerlanneqassaaq oqallinnermi kalaallisut, qallunaatut tuluttullu apeqquteqartoqarsinnaavoq.

Qaqugu: Apriilip 27-at, 2024, nal. 13.30 – 15.30
Sumi: Nuummi Eqqumiitsulianik Saqqummersitsivik

Suliniut NAPA-mit aamma AUFF NOVA-mit tapersersorneqarpoq.

Assitaa: Lili F. Chemnitz.