Nassuiaat

Assinik misissueqqissaarneq 7.-10. klassenut tulluarsagaavoq. Atuartut eqimattakkaarlutik nammineq suliaqartassapput. Eqimattakkaarlutik suliaqarnerminni atuartut eqqumiitsulianik assinillu samminninnermi oqaatsit atorneqartartut sammissuaat, soorlu qalipaatit, tulleriiaarinerit, ilusiitsut/ilisarnanngitsut.

Atuartut eqqumiitsuliat assigiinngitsumik sammissuaat, ilaatigut takorluuisinnaanertik atorlugu. Eqqumiitsulianik samminninneq assigiinngitsunik ingerlanneqarsinnaavoq; soorlu saqqummiussititsilluni saqqummiussititsinaniluunniit, kisimiilluni eqimattakkaarluniluniluunniit suliaqarneq, imaluunniit tamarmik ataatsimoorlutik suliaqarlutik.

Nuummi Eqqumiitsulianik Saqqummersitsivimmi sulisut tikilluaqusissapput; tikilluaqusinermi atuartut eqqumiitsuliat assinillu misissueqqissaartarneq pillugit eqqartueqatigillatsiarneqassapput. Tamatuma kingorna ilinniartitsisoq atuartullu namminiissapput. Saqqummersitsivimmukannginnermi suliassat, eqimattakkaartussat saqqummiussisoqartassanersorlu aaliangereersimanissaat innersuussutigineqarpoq.

Siunertaq

Assinik misissueqqissaarluni suliaqarnerup siunertaraa atuartut eqqumiitsulianit misigisatik tunngavigalugit isummersuutigisaat suli apeqqusersorneqarnerunissaat, taamaalillutillu eqqumiitsulianik sammisaqarnerat suli itisuninngoqqullugu.

Atuartut eqqumiitsuliat pillugit eqqarsaataannik misigisaannillu oqaasilersuisinnaalernissaannut assinik misissueqqissaarneq (billedanalyse) sakkussaavoq.

Maluginiutilerinermi ilitsersuutit suliassallu downloadikkit:

7.-10. kl – ASSILISSANIK MISISSUEQQISSAARNERMI

ILIN. ILIT. – Assilissanik misissueqqissaarneq