Saqqummersitsivimmi sapaatip akunnera tamaat nunarsuup assinga nivingatinneqassooq. Tassani takuneqarsinnaassapput qaammatip ataatsip iluani (18. april – 18. maj) saqqummersitsiviup nunarsuarmi attaveqarfigisimasai.
Nuummi Eqqumiitsulianik Saqqummersitsiviup Kalaallit Nunaanni assigiinngitsorpassuit suleqatigisarpai, aammali nunap avataaneersut assigiinngitsorpassuit suleqatigisarlugit. Saqqummersitsivik assigiinngitsorpassuarnit saaffigineqartarpoq, saaffiginnittuusarlunilu, Kalaallit Nunaanni avataanilu.