Filmimik takutitsineq: AKI

Apriilip 15-iani nal. 19 Suialaa Arts Festival aamma National Canadian Film Day suleqatigalugit filmi piviusulersaarut “AKI” takutissavarput. Filmimi Darlene Naponse ilitsersuisuuvoq, Jamie Manning produceriulluni.
Isiginnaariarneq akeqanngilaq, malugiulli inissat killeqarmata. Tamulugassaqassaaq, piumasullu tamarmik tikilluaqusaallutik!

Filmi pillugu
AKI (Anishinaabemowin-isut oqaaseq isumaqarluni issoq imaluunniit nuna) isiginnaarlugu pulaffiginartumik filmiliaavoq, Canadami Ontariop avannaata tungaani Atikameksheng Anishnawbek-imi pisoq. Ukiup allanngorarneri malinnaavigalugit filmiliaavoq, oqalunnertaqanngitsumik aammalu aalajangersumik pisussaqartillugu filmiliaanani. Anorip nipaa, erngup nipaa, uumasut inuillu nipaat, aammalu pisuni pingaarutilinni nalliuttorsiorfiusunilu nipit atorlugit inuiaat nunaminnut ataqqissaarnerat filmimi oqaluttuarineqarpoq.

Ilitsersuisup Darlene Naponsep oqaaseqaataasa ilaat
“Filmimi oqaluttoqannginnissaa pingaartissimavara. Nipaannerunngilaq – nunaana oqaluttuartoq. Anori, imeq, siku, qilaat… aamma taakku oqaasigaavut. Malitassatut allanneqarsimasumik manuskriptimik imaluunniit ilitsersuutsinik malitaqarluni filmiliaanngilaq, kisiannili ukiup ingerlanera aamma inuiaqatigiiulluta ulluinnarni inuunerput malillugu piviusulersaarut filmiliaavoq. Piffissami sumiiffigisatsinnut pulavugut, oqaluttuallu namminneq saqqummerlutik.”

Ilitsersuisoq pillugu
Darlene Naponse filmiliortartuuvoq Anishinaabe-usoq, Canadamilu Ontariop avannaata tungaani Atikameksheng Anishnawbek-imi inuiaqatigiinni aqutsisut ilangalugu. Naponsep filmit naatsuliat arlallit ilitsersuisuuffigisimavai, tv-kkut nangeqattaartuliat arlallit filmillu tallimat ilitsersuiffigalugit. Filmiliai marluk siulii, FALLS AROUND HER (2018) Tantoo Cardinal pingaarnertut inuttaralugu, aamma STELLAR (2022) Elle-Marja Tailfeathers pingaarnertut inuttaralugu, tarmarmik Toronto Film Festivalimi takutinneqaqqaarsimapput.
Naponsep filmiliai aamma Sundancemi, imagineNATIVE-mi allanilu nunani tamalaani filminik festivaalini takutinneqartarput. Nunap inoqqaavinut Baswewe Films-imik pilersitsisuuvoq, inuiaqatiminilu tunngaviusumik inatsimmik (Gchi-Naaknigewin) suliarinneqataasimalluni. Nunap inoqqaavisa ingerlatsiviini, nuna tunngavigalugu suleriaatsinik aamma Anishinaabe-t oqaluttuaannik tunngaveqarluni suliaqartarpoq.
Atikameksheng Anishnawbek-imi suli najugaqarlunilu suliaqartarnini ingerlappaa.

Produceri pillugu
Jamie Manning produceriuvoq Torontomeersoq, oqaluttuariaatsit pilersaarusioriaatsillu assigiinngitsut tunngavigalugit suliaqartartoq. Produceritut suliarisimasaata ilaat tassaapput FALLS AROUND HER, ROSIE (i. Gail Maurice) aamma THE MIDDLE MAN (i. Bent Hamer).

Paasissutissat
AKI: Canada, 2025
Ilitsersuisoq: Darlene Naponse
Allattoq: Darlene Naponse
Producerit: Darlene Naponse, Jamie Manning
Filmip takissusaa: 82 minutsit
Oqaatsit: Oqaasilerneqanngilaq, oqaatsit Anishinaabemowin ilaasarlutik
Ilusaa: Qalipaateqarpoq, Digitaliuvoq
Nipi: 5.1 Surround/Stereo mix
Filmiliorfiit: Baswewe Films, Night Market