AANAA – Memories of Smell // 22.1 – 26.4 2021

Arnajaraq Støvlbæk aanaap illua pillugu eqqaamasat tunngavigalugit Nuummi Eqqumiitsulianik Saqqummersitsivimmi saqqummersitsissaaq. Saqqummersitsineq sisamanngornermi januaarip 21-ani nal. 17 ammaanersiorneqassaaq. ”AANAA – Memories of Smell” saqqummersitsinerup qulequtaraa, oqaluttuat immiussat aanaamillu kingornussat imaralugit.

Arnajaraq Støvlbækip aanaava oqaluttuanik katersisarsimavoq, pulaartumilu oqaluttuai immiutissallugit nuannarisimallugu. Immiussat digitalinngortinneqarsimapput, katiterneqarlutillu, saqqummersitsinermut nipiliarineqarluni. Taanna, aammalu kingornussat natermut inissititerneqarsimasut saqqummersitsinerup imarai. Eqqaamasat qajannartuuneri, qanorlu sukkatsigisumik aserorsinnaaneri imaluunniit tammarsinnaaneri saqqummersitsinerup pilersinneqarnerani eqqarsaataasimasut ilagaat. Eqqaamasat aanaakkunniinnermut tunngasut, pialuutaanik takusassarsiorujoornerit, kaageeqqat qalarlaat tipaat kaffisunnilu, aamma oqaluasaartunik tusarnaarnerit.

Eqqumiitsuliortoq qallunaaq Birthe Jørgensen aamma qallunaaq/Iranimiu Sogol Mahadi, Skotlandimi najugallit, Arnajaraq Støvlbækip suleqatigisimavai, tassanngaanniillu saqqummersitsineq pilersissimallugu. Eqqumiitsuliortut pingasuullutik ”Angerlarsimaffik, Angerlarsimaffigiunnaarsimasaq” namminneq toqqammavimminniit sammisimavaat. Arnajaraq Støvlbækip inersimasunngorsimalluni aanaap angerlarsimaffiani eqqasuuteqarani meeraaneq sammisimavaa. Meeraaneq, kingornussat, namminerlu oqaluttuaatit meeqqaniit inersimasunut eqqarsaatersuutigineqarnissaat saqqummersitsinermi kajumissaarutaavoq.

Saqqummersitsinermut atatillugu Arnajaraq Støvlbæk meeqqanut workshoppertitsissaaq, aamma Kalaallit Nunaanni eqqumiitsuliornerup takussaanera, takussaaneralu qanoq pitsanngorsarneqarsinnaanersoq pillugu saqqummiussissaaq. Workshop aamma saqqummiussineq ammaanersiornerup kingorna sapaatip akunnerata naanerani ingerlanneqassapput.

Saqqummersitsineq Tapiissuteqarfik Sermeq-miit aamma Royal Arctic Linemit taperneqarpoq.